一錢 (已結業)

最近發現大角咀又開咗一間新嘅日式居酒屋🏮 主打平民價嘅優質鐵板燒 使用嘅海產都由日本直送 對於經常喺呢邊出沒又鐘意食日本嘢嘅我 絕對係一大喜訊 以後朋友過嚟揾我 又多一間好嘅餐廳選擇✨下午有lunch set 價錢好親民 包咗主食同小食 另外仲有前菜/沙律同湯 而且質素亦好唔錯👍🏻▫️黯然銷魂御好燒朋友揀呢款 我都試咗一件 睇個名就知係叉燒煎蛋啦 中日fusion 保持日本風味又配合香港人口味 好特別😋而且用嘅醬汁都係中式叉燒醬 出乎意料咁夾 醎甜兼備 配嘅小食係厚切牛舌 燒得好靚仔 肉質仲好軟稔🐷特別一提 煎蛋係用日本蛋 蛋味非常濃郁🥚▪️銀鱈魚西京燒每凡餐廳有銀鱈魚西京燒 我都一定會叫🐟絕對係我至喜愛嘅魚 魚油充足 呢度處理得好好 魚皮脆脆地 魚肉依然超滑🤤好正 明太子芝士奄列都唔錯 芝士喺中間有流心效果 如果明太子醬可以再多啲就好啦😜另外追加咗份鐵板炒野菜share 估唔到咁大碟 椰菜/冬菇/草菇/紅蘿蔔片🥕用日式醬油炒起 風味十足