譚仔雲南米線 (馬鞍山廣場)

营业中

休息中

又嚟晚餐時間，今日唔想食飯，就嚟個自己揀嘅米線+小食餐啦！Lee間又方便，又唔洗點等位，最好就係唔洗點諗就揀到食乜，間直就係我嘅飯堂呀！先嚟個"過橋米線套餐"3小辣，老婆就話辣度啱啱好，我個人就鐘意再辣D，Lee間米線湯底清清地Keep到水準，加上多餸多都不得了，魚蛋、牛丸、墨丸、豬膶、牛肉、雞肉、豬肉、腩肉、火腿、炸醬、酸菜、竹笙、芽菜、腐皮、生菜、豆卜，睇下咁多餸兩個人孖份，再加多個小食絕不為過。講到小食今日就揀咗"麻辣豬耳"十次就有八次揀佢，好爽脆，辣味剛好，一定要撈混先好食。除此之外，佢仲有個"紅油木耳"都好正，一樣又辣又爽脆。