瀛風 (啟田市場) (已結業)

店鋪外賣為主，食物係即叫即整，所以大概需要十分鐘等候時間。不過咁樣先夠新鮮。 跟餐有送飲品，凍飲揀咗薄荷茘枝綠茶同菠萝草莓绿茶，意外地幾好飲，而且唔太甜。 雜錦刺身丼 $58份量好足，刺身有三文魚粒、吞拿魚粒、青瓜片、帶子粒，食落啖啖魚生，好正呀！  四色丼 $56魚生好大份，睇落好新鮮，三文魚、油甘魚、赤海蝦同甜蛋，仲有好多蟹籽。  芝士飛魚子豬扒卷$32 豬扒炸到又脆而且又有咬口，拎返屋企都唔會淋，芝士都落好多，撈埋d魚子食落口感好正！