八福 (已結業)

去到九龍灣就諗住平食一餐就算，之後搵下搵下就見到呢間，感覺價錢都公道，就入左去食。去到就叫左個照燒汁雞扒吉列魚柳飯配中華沙律加迷你熱湯烏冬，飲荔枝水漾。野食到了，雞扒幾軟，幾好味。不過魚柳略嚴肉比較實，唔太鬆軟，如果鬆軟少少會好啲啲。而最欣賞係佢用珍珠米！其他嘅中華沙律同飲品都正常發揮，冇乜特別。不過想特意一提個烏冬，烏冬好好味，可惜份量太少。如果想試下多款野食嘅可以食呢間，唯獨份量差啲啲。