鐵板先生 (已結業)

上綱見到介紹尖沙咀山林道有間叫鐵板先生的鐵板燒，D套餐都是$598/2起。哇平日如果食鐵板燒都幾貴，更樣個價錢真是好平民化。門口冇豪華的裝飾，只是擺著張poster。睇了餐牌都好多款選擇，但套餐都好多野食，最終還是散叫。雖然冇食套餐，但都俾左麵豉湯、沙律、刺身品嘗。麵豉湯鮮味唔會好咸。沙律比較簡單，但D菜好新鮮。帶子唔大，鮮甜。甜蝦新鮮，肉質爽口，鮮味。獅蚶師傅用左清酒煮，所以好濃D酒味。煮得剛剛好，獅蚶D肉嫰滑，好鮮甜。如果點酸汁食，令海鮮的鮮味更加提升左一個層次。香草龍利柳龍利柳用牛油煮，煎到兩邊金黃色，香噴噴。魚好新鮮，D肉一梳梳，魚肉鮮甜嫩滑，外面香脆，好味。活龍蝦師傅用左黃金蝦的煮法，佢話會令到D蝦膏更香濃，配埋多士點來食，一定會令我D一試難忘。龍蝦肉彈牙，鮮甜爽口，外面包著用咸蛋黃同牛油一起煮的蝦膏，真是香到不得了。面包整到外面好脆，點D蝦膏一起食，好味。美國安格斯牛柳牛柳粒煮到剛剛好，牛肉味香濃，D肉嫰滑多汁。牛柳好食同時仲有表演睇。食完這幾樣仲有雪糕食，綠茶雪糕綠茶味香濃，雪糕唔太甜。邊個話食鐵板燒好貴，這間又可以睇師傅的表演，價錢又平民化，真是值得一去。