養生糊甜品專門店 (已結業)

食完野到周圍行下，見前面有幾個人買外賣，又八卦睇下賣咩，原來係糖水舖。簡單不花巧的糖水舖，款式不多，賣的都係傳統糖水。主要做外賣生意，但都有幾個位堂食的，行左咁耐就入去坐低食碗糖水先，朋友點左芋圓芝麻糊，個樣幾靚呀。第一次食芋圓唔係跟仙草，哈哈，同芝麻糊都夾呀。芝麻糊好杰身，好有芝麻香，熱辣辣好正。自己就貪心啲要個兩溝，合桃腰果糊再加湯丸，一上枱就聞到香味啦。合桃腰果糊杰身得黎勁滑，聞落香食落仲香，堅果味無得彈，而且甜度剛剛好，好啱口味。加左三粒湯丸，大大粒。內邊係芝麻餡，好多餡，湯丸煙韌又滑嘟嘟，好味。好耐無食過真材實料的傳統糖水了，見住佢潷出嚟熱辣辣就知道童叟無欺，之前食過一間用微波爐叮水歸水路完全冇味嘅，價錢仲唔平，呢間養生糊好食好多，又價錢實惠，值得支持。