影片
更多
2018-07-23
271 浏览
心血來潮想食泰國菜, 就在Openrice找了間「睇落」平靚正的「泰妹」。其實簡簡單單食一餐, 都冇諗過要寫食評(所以咩相都冇影), 不過越食就越覺得樣樣都... 唔係好得... 有點後悔睇左頭幾個comment就扑鎚...=_=其實打從訂檯開始就已經覺得有d奇怪, 我未試過訂位都要由個客主導哂既...我：唔該, 請問今晚七點半有冇兩位呀?侍：有呀我：哦, 咁可唔可以幫我reserve table?侍：好...丫...( ... 靜左2秒... )我：err...^^" 咁七點半, 兩位, 姓x的...侍：好......( ... 又靜左2秒... )我：... 咁... 我洗唔洗留個電話俾你呀...侍：哦... 好丫...我：xxxx xxxx侍：(重覆一次) xxxx xxxx我：係侍：係( ... 又靜左2秒... )我：...........................咁今晚見啦, 拜拜!成個對話都勁odd...=.=" 好似大把位唔洗留咁, 但去到又唔係wor...因為太肚餓, 先叫左個柚子蝦沙律同蒜蓉椰菜苗醫肚先。柚子蝦沙律($52)嘩... 呢個真係唔得... 個碌柚
其實打從訂檯開始就已經覺得有d奇怪, 我未試過訂位都要由個客主導哂既...
我：唔該, 請問今晚七點半有冇兩位呀?
侍：有呀
我：哦, 咁可唔可以幫我reserve table?
侍：好...丫...
( ... 靜左2秒... )
我：err...^^" 咁七點半, 兩位, 姓x的...
侍：好......
( ... 又靜左2秒... )
我：... 咁... 我洗唔洗留個電話俾你呀...
侍：哦... 好丫...
我：xxxx xxxx
侍：(重覆一次) xxxx xxxx
我：係
侍：係
( ... 又靜左2秒... )
我：...........................咁今晚見啦, 拜拜!
成個對話都勁odd...=.=" 好似大把位唔洗留咁, 但去到又唔係wor...
因為太肚餓, 先叫左個柚子蝦沙律同蒜蓉椰菜苗醫肚先。
柚子蝦沙律($52)
嘩... 呢個真係唔得... 個碌柚真係好苦... 食唔到... 退左... (蝦冇食到)
蒜蓉椰菜苗 ($42)
價錢較平民, 所以份量都唔係太多。椰菜苗本身係比較硬身的, 蒜香味夠, 但油份較多。
退左個沙律, 轉叫左泰式小食拼盤, 官方寫有炸魚餅、炸蝦餅、蒸粉包、香葉雞各兩件
泰式小食拼盤($72)
首先炸蝦餅的質感好鬆散, 一點都不彈牙...
個蒸粉包呢... D料就跌哂出來, 粉皮就蒸到溶溶爛爛一pat野咁...
最後個香葉雞呢, 外表包得好靚, 因為係成個落油鑊炸, 所以係「葉脆脆」架! 不過... 裡面舊雞就幾乾同鞋...
咁魚餅呢? well... 碟上四件都係蝦餅, 叫侍應來問, 佢話冇魚餅所以俾個蝦餅我wor... well, 係咪應該同個客講, 由個客決定仲叫唔叫呢?... 唔係咩都唔講聲就塞第二樣野焗你食lor...
食到最後叫多兩個主食作為總結~
泰式蝦炒金邊粉 ($58)
份量唔細, 朋友話爭緊d鑊氣, 不過我覺得味道都算ok啦, 不過不失
但係...!!! 當我一食舊蝦時... 又老又實又鞋又冇味......唔望住食真係唔知係蝦......
所以, 如果skip左d蝦, 當成一碟普通的金邊粉都ok既...
冬陰大頭蝦海鮮湯粉($58)
其實每次食泰菜都會叫冬陰公湯, 不過呢度的冬陰公不設散叫, 只有叫二人餐才可吃到。咁唯有食湯粉啦~
個湯有少少辣, 幾惹味既, 金邊粉的份量都多, 女仔食一定夠。可惜配料方面唔合格, 第一, menu上圖片的四片魷魚係「一片都冇」！唯一符合「海鮮」二字的, 係湯裡唯一一隻迷你蜆肉...... 第二, 大頭蝦d肉都係梅既......
我地已經唔想再叫waiter了...唉快d食完走人啦...
總括來講. 你話呢度係「平民美食」/「一分錢一分貨」, 我又唔覺得價錢真係咁平民(食左$115/位), 同埋一定唔係「美食」。我只可以話佢地既「基本」食物(即係粉麵、菜) 係合格既, on top (配料、小食等) 真係真係唔新鮮同唔靚lor...
题外话/补充资料：
睇餐廳牆上貼住的資料, 大概估佢地可能係美食車出身, 仲有媒體訪問中女主持閉目享受美食的截圖。丫?!... 又幾好戲呀下 XDDD
呀仲有, 一路食一路趕緊隻大蒼蠅... =_="雖然... 我知道餐廳係被動的, 不過在密封的工廠大廈裡面, 佢入左黎又真係好難走......
(以上食记乃用户个人意见 , 并不代表OpenRice之观点。)
张贴
