GOGO Rock (已結業)

係旺角朗豪坊附近發掘到一間性價比幾高嘅平民西餐廳，二人餐$400幾蚊已經有齊沙律、餐湯、主菜、飲品、甜品，份量大之餘味道都唔錯👍🏻👍🏻佢哋仲有個海鮮塔用三層架奉上幾特別😆另外呢度有個新鮮生蠔吧，$54起可以歎生蠔🦪每日會有6－8款時令生蠔，買3送1，所有飲品下午3－8點買2送1，幾抵食，下次都想試下😛沙律、餐湯沙律份量都幾多，餐湯幾creamy。軟殼蟹海膽意大利粉賣相幾有心思。軟殼蟹有2大件，幾酥脆，意粉沾滿海膽醬汁好creamy，味道甜甜地😗😗香煎鵝肝配牛柳5成熟嘅牛柳煎得剛好😻肉質嫩滑有肉汁且有肉味，厚厚嘅牛柳啖啖肉，加上甘香豐腴嘅鵝肝，好邪惡😈😈側邊有唔少薯角。咖啡或茶、甜品跟餐嘅甜品有啲驚喜😋😋係creme brulee cheesecake，芝士香同焦糖香並存😍入面仲夾雜啲提子粒，餅底鬆化有牛油香。人均消費：$210推介指數（10分為滿分）：8分