意蠔屋 (已結業)

旺角咁多野食，到現家都未食哂，今次黎呢間，一路都唔覺佢起眼，自問少入黎呢條街食野。我就幾中意蠔既，唔知幾時開始對生蠔上左癮，呢間野個店名直情有個"蠔"字梗要試下。餐牌皇牌即開生新鮮蠔4隻 $138Lunch都有蠔可以叫黎食，冇點焗蠔，中意蠔，當然要食新鮮生蠔，但質素普通，不過生蠔呢家野，平有平食，貴有貴食平均三十幾蚊一隻，size都大隻🤤！一呷，係新鮮既冇錯，冇腥味，但唔夠肥美，呢款蠔味較淡，上枱前沖水沖得唔夠，連埋啲殻碎上枱，要留意呢點蒜香蜆肉雜菌天使麵 $40(Lunch set)成碟份量都多，蜆肉都好多，起碼有15隻左右😳，但部份清潔得唔乾淨有沙。蒜蓉夠，條條都沾上，天使麵煙韌彈牙，軟硬度適中，以今時今日黎講，呢碟天使麵收40蚊已經算抵食，另加左10蚊配特飲檸檬益力多，酸酸甜甜好開胃。總括而言，好普通既一間食西餐店舖，但原來佢已經有唔少分店，開左都有一段時間，不過依家先識佢~_~ 普通食個Lunch都抵食既，份量大，但質素就一般