如意冰室私房菜 (已結業)

今日去開灣仔附近，見到凍凍地就諗住食個羊腩煲，咁就搵吓附近邊度有得食羊腩煲啦，見到啲呢間新開張嘅私房菜，所以就試吓啦。一坐底就叫羊腩煲， 但係原來今日冇賣，好傷心。 咁唯有食醉菜魚。咁岩隔離枱叫砂鍋雲吞雞， 但係都冇雲吞， 不過佢地可以轉水餃。雖然好多嘢食都冇，但係啲員工都會好用心咁推介啲好味嘅餸俾我哋，推介俾我哋嗰啲餸都係好味嘅，呢間鋪喺正益新隔離，好易揾，一共有兩層，位置都算多。佢啲套餐都有好多選擇。見好多人都叫左快餐，人手雖然唔太多，但上菜都好快。蝦干海鮮雜菜，好大碟兩個人完全食唔晒，好足料，味道都ok黃金炸魚皮，加左好多鹹蛋黃，好脆，好味。酸菜魚，連埋個煲咁上，個湯好濃，好多料，夠酸，好味道。跟餐湯，係蕃茄薯仔豬骨湯，好重蕃茄味，例湯算好好飲。個飯都好香飯味，唔會係爛飯，又唔會太硬。