北海道食堂 (已結業)

五一黃金週，大家幫襯左咩舖頭！今日我好難得入左沙田，所以就去沙田覓食😂！因為我最近都冇點食日本菜，所以去左日本餐廳🍴食lunch！呢間位於沙田中心既日本餐廳，最大特色係佢有鐵板燒，有廚師👨‍🍳幫你燒唔同海鮮🦞，算幾特別！因為係午市，我只食左個Lunch set，無試到😅！午市Menu上有好多款，今日我想試鰻魚飯，估唔到有驚喜！同之前comment一樣，香港好多蒲燒鰻魚都係由交貨，好少餐廳會自己燒，微波爐翻熱多，所以我都唔會話好好食。真正好味同自己燒既好多都賣成$300 左右，大家心中有數，好味既飛去日本食算！另外題外話，大家都唔需要考慮名代宇奈，雖然佢係自己燒鰻魚但真太難食！而今次餐廳既鰻魚，好明顯都係交貨，鰻魚本身味道唔係好入味，但鰻魚係無咩魚骨👍🏻，唔怕吉到口，而鰻魚本身都幾厚肉，啖啖肉，所以口感唔錯！另外，午市套餐加一仲包左味噌湯、漬物、茶碗蒸同沙律，算幾豐富。重點係鰻魚厚肉又無骨，已經執到😂，以日常午餐嚟講，表現唔錯！除左套餐外，餐廳晚市都有放題套餐，想同屋企人朋友慶祝節日，食餐好，不妨可以考慮吓，好似幾正咁！