極尚大瀛喜日本料理 (已結業)

講到放題，我是高中低價的都吃過無數次，但最讚的都是極尚大瀛喜囉。首先， 有間有長腳蟹的要四百幾蚊，呢個價我情願去酒店吃囉。百幾蚊嘅，啲質數真的嘛嘛。性價比來說，真係呢間無得輸。無數的食物不能盡錄，但我必需講吓我的最愛。自從幾年前鰻魚價格急升後，我好少買鰻魚吃了，呢度是我唯一一間去過有淨吃燒鰻的，啖啖鰻魚肉，仲要剛剛燒好，又熱又香的，一啲都唔頹。是唯一一樣在其他放題吃不到的。之後要推介的是隻咖喱蟹。本來以為單是煮熟隻蟹淋啲汁上面。但放入口，吃得出蟹是先炸過才用咖喱汁煮，所以好香口的，咖喱又不辣，感受到用心做的。另外魚生都新鮮嘅，但其實而家一般放題都保持到魚生新鮮嘅，所以這方面不錯，但不會比出面其他放題好突出。不過始終食放題，要番本食魚生真的不少得﹗最後都要提吓呢度嘅的特色壽司，餸多飯少，唔會屈機質包您嗰種。平時我都唔食壽司怕包肚，我都吃了幾件，因為不同款式都配撘得好好。如果想試又怕包肚，要記得叫最下嗰款芝士鰻魚壽司呀﹗yummy!