小川滬拉麵小籠包

营业中

休息中

偶然機會經過屯門，發現呢個food court，都有幾多唔同種類嘅食物，今日選擇左食上海菜，呢間小川滬拉麵小籠包，好似幾吸引，一於試下酸辣湯拉麵套餐，套餐$53，包兩隻生煎包（有幾款不同小食可選擇）+$3有萍果綠茶。付款後，店員講大約等7分鐘，可能因為即刻整，所以要等一陣，出嚟食物熱辣辣唔錯。酸辣湯拉麵，麵質爽彈，吸收晒酸酸辣辣既湯汁，幾惹味。生煎包包底有脆口，不過包皮有啲厚，肉餡無咩湯汁，有少少乾。整體屬於平民小店，價錢平食物都唔差，可以一試。