慶發飯店 (裝修中)

慶發，基本上住係土瓜灣如果係半夜生更口痕想食野，第一時間就會諗起佢，佢係一間食中式點心食店，開夜晚7點收下午3點，普通既中式點心，中等既價錢，對於我地夜班收過12點既人，簡單係食堂。慶發位置本黎係前一條街較大既舖頭，年中既時候結束左營業，搬左去只係一馬路相隔，細一半既店口。食物質素黎講，雖然佢唔係美食，但係半夜你冇得揀，你仲想食咩？！整點整蒸既蘿蔔糕～講唔上勁好食，最小蘿蔔冇渣已經好開心xd即點即炸春卷～～最值得一提既就係佢既鳳爪排骨飯同埋馬拉糕，爪骨飯蒸得好香又唔會乾，鳳爪既汁索哂落飯，加埋生抽食，正到暈～～馬拉糕好香黃糖味，大大件又鬆軟，熱辣辣拎出黎唔會因為有水蒸氣而濕哂一舊舊，好食！！