真台客 (已結業)

今日出荃灣有重要任務🤭做正經野之前當然唔醫下個肚哈哈荃灣區我第一時間就諗起眾安街嗰頭好似唔少美食，一場嚟到即刻試吓新嘢！好多人話日本係鄉下，對我嚟講台灣先係鄉下🤣所以見真台客價錢ok，舖頭設計仲真係有啲台灣街頭feel，就㨂佢啦！坐低店員會比張過膠餐牌同臘筆你自己畫落單，一早未開胃就各叫咗一個飯同麵，一心諗住出到去先買嘢飲就冇叫喇，但佢都有幾款珍奶可以叫，在場唔少人都會叫啲小食同珍珠奶茶🧋下次有機會先試多啲啦先講個大雞排飯，冇嘜配菜上碟望落有啲寡，公道既又幾襯佢所有碗碟好raw既台風嗰種style。鹽酥雞好classic，味道肉質全部都做足，juicy又香口，夠大塊送晒成碗飯仲有淨兩三口，整體幾好 另外叫咗個滷排骨湯麵。其實想揀炸排骨，但剔錯咗lol可能潛意識知道自己呢排熱氣。個滷排骨味道合格而己，加上用嚟送麵就唔算好搭，建議可以叫番飯。麵底其實唔錯，但冇配菜底下，淨係配一味餸，真係差啲。始終食飯既話啲餸汁會流落個飯到，但湯麵冇咗呢個效果就真係差一截，唯一係叫做冬天食熱辣辣會加番分。 最後叫了一味小食，係滷豆腐，都有七八成似台灣夜市啲滷水攤，用金屬碟上算幾啱feel。 整體啲嘢都算重口