囍 (已結業)

香港仔算係新店，大標提話日式放題，幾次都揾吾到價錢，都係過門不入，今日食晏，周圍爆棚，行行吓走去呢間食lunch。入到去好大，好多位，任坐，都担心會吾會中伏，點了温泉蛋雞扒丼，野菜牛肉鍋丼，咖喱牛吞粒丼，全部跟前菜和面豉。初入門口見人丁場面，心想會中伏，但食品比想像中好，吾算好也不算差，係個牛吞粒丼，汁多過餸，但特價33元黎計，算是超值，而且飯和湯可以任添，合大飯桶幫襯。配埋飲品三人前，埋單182元，人均60元，同飲茶差不多，勝在吾使揾位又坐得舒適，下次再試個火鍋放題。