小老板 (太安樓)

营业中

休息中

今日去咗西灣河買外賣上朋友屋企，買嘢食當然去太安樓搵好西😝 一出地鐵站見到有小老板😍，朋友話住左咁耐未試過🫣本身係炮台山已經開店已久，品質保證，平民價錢，大師級味道。生煎鍋貼係鎮店之寶，師傅每日新鮮搓麵團炮製，肉質juicy ,鑊仔香煎，10有3隻，好快就賣晒，非常好味又抵食。生煎包,皮咬落去鬆化有質感，裏面有肉汁嘅香味。蔥油餅係頂肚餓恩物😝，蔥油餅煎出嚟唔會太油膩，蔥油味香，厚厚嘅麵團咬落鬆化，非常飽肚。燒賣不過不失，中規中矩$10有七粒。*後記：朋友見到啱啱出爐好開心，個人喜好，其實我覺放耐左嗰啲仲好味，因為個底部會燒燶，勁脆口😋