K2 Kitchen (已結業)

今次係我地一次食呢間餐廳，好多選擇，大部分嘅set係100蚊樓下，就算想食虎蝦都係七十幾蚊就有，包餐前小食包沙律包飲品，好抵食！餐前小食係青瓜上面有芝士同提子，呢道菜式真係第一次見，食落去味道好豐富，有咸味又有酸甜味，口感都好特別。我地叫咗個虎蝦意大利飯，個汁煮得好好，配埋個飯一齊食好開胃，個虎蝦都好大隻，彈牙爽口，個蝦殼煎得好脆。我地仲叫咗個鵝肝配牛柳，五成熟，煮得一d都唔韌。飲品好特別，有鮮奶朱古力，對於鍾意牛奶黎講嘅我就好鍾意，仲叫咗杯芒果梳打，好fresh。甜品賣相吸引，朵花好靚，好清甜。