逸 壽司 (已結業)

逸 壽司 • 尖沙咀尖沙咀近九龍公園方向有間高性價比嘅日式壽司店，入面除左有普通壽司menu之外，亦都有omakase嘅選擇。餐廳裝修比較簡約，只得一張bar 枱，無其他座位。一入座店員會先奉上一小碟前菜，前菜係芥末八爪魚。今次無選擇omakase，只揀左2款壽司盛。呢晚係平日夜晚用餐，所以入面客人唔算多，坐得都算舒服～😋😋..✅ 特上壽司盛 🍣 $268特上壽司盛有吞拿魚腩、深海池魚、火炙金線鯛、海膽、油甘魚等10款壽司。吞拿魚腩都算肥美，略帶油脂甘香；池魚肉質爽口，略帶油香，海膽味道甘甜，質感細膩，其他壽司都唔錯，睇得出選材新鮮，好似帶子見到顏色精瑩，魚類都會見到少少油光，整體感覺出色😋..✅ 上壽司盛🍣 $198上壽司盛都係有10款壽司，包括吞拿、三文魚、池魚、赤蝦、三文魚籽、蟹肉蟹膏等，係一般比較常見的款式。同特上壽司盛一樣，從食材嘅顏色都睇得出比較新鮮同肥美。吞拿魚無筋，但無咩特別；三文油脂香味好濃，赤蝦都好鮮甜，三文魚籽都好濃味，整體都唔錯。以呢個價錢食到呢啲水準嘅壽司，絕對性價比高👍🏼