兩草 (高街) (已結業)

鋪面有d隱蔽，差d行過左都唔知😅。中午1點左右，無咩人等位，但基本上坐滿曬人。一睇menu，就個價錢好親民，不過食物相對份量少，的的骰骰，食完無好飽既感覺，岩曬成日坐office既打工仔。 滑蛋叉燒飯叉燒切到細細條，連埋雞蛋一齊炒。蛋唔算好滑，配埋叉燒既蜜糖甜味就好夾。配埋蔥花同豉油一齊食更野味。不過，得表面呢層有滑蛋叉燒，唔係好夠餸飯。香煎脆邊蛋肉餅飯蛋煎得好出色，蛋邊煎得香脆，又保留到流心蛋王。肉餅細塊但厚身，口感嫩滑，但好似食到少少肥肉。加埋豉油同蔥花，絕配。不過都係唔係好夠餸飯😅。咖央多士多士好薄身，烘得好脆，咖央餡足料，不過咖央略嫌太甜。仲叫左羅漢果水，凍凍地，岩曬夏天飲，天然既甜味，無額外加糖，真材實料。