正點心 (已結業)

今晚收左工就去左附近搵野食, 上網見到E間點心店嘅點心幾精緻好可愛😍, 於是就入去試下!🌟鯉躍龍門🐟外表幾靚, 其實係香芹鮮蝦餃嚟, 餃皮煙韌, 蝦肉爽彈🌟三隻小豬(流沙包)包皮質感鬆軟有筋性, 一搣開流沙饀極速流出嚟好夠熱🌟黃金小豬嘜E隻咁可愛嘅豬仔其實係酥炸糯米紫薯角, 咬落去外層脆卜卜, 入面煙煙韌韌, 紫薯甜甜地幾好味🌟蟹籽黑毛豬燒賣🐷燒賣皮幾透薄, 豬肉帶微微脂肪, 口感彈牙幾juicy🌟銀魚仔肉餅籠仔蒸飯銀魚仔肉餅咸咸香香, 肉餅口感唔乾, 蒸得岩岩好!🌟原汁西瓜糕🍉外型好精美, 上層紅色嘅肉用左堅·西瓜肉同西瓜汁而成, 所以真係有西瓜沙沙地果種質感同口感, 而d西瓜核就用左蘭香子取代, 食落清甜口感豐富