海膽仔

营业中

休息中

隱世平民價日本餐廳，今日午餐與朋友try try. 雖然離地鐵站比較遠，行到身水身汗，但係食物質素讓我感到不枉此行。我哋冇叫定食，因為想散叫，試多幾樣野，我們叫了三文魚刺身，軟殼蟹手卷，花枝戀，芝麻雞翼，牛舌，金菇牛肉卷，牛油果軟殼蟹壽司。三文魚刺身的顏色沒有特別新鮮，但係大大嚿，一疊有八件，點知一入口，味道濃郁，立即溶化，好味到想叫多啲。花之戀嘅三文魚又係大大嚿，味道讓人感到滿足。芝麻雞翼表面樣子一般，表面鬆脆，沒有fry 得很乾，裏面非常Juicy, 表面與入邊嘅配合剛剛好，超級好食。友人大讚牛舌好食，牛味與鹹度剛剛好。至於軟殼蟹就一般，可能食物到達後未有立即進食。這個份量，二人午餐剛剛好，價錢也只不過$250左右，性價比高。餐廳裝修沒有特別華麗，卻很有日本味道，職員也非常親切殷勤。值得再試，不過秋天或冬天會比較好。