方姐湛江雞 (已結業)

行過路過見到2人餐有雞有2菜有燉湯，價錢平民化，一於試下。因為平時食白切雞食得多，所以試下水晶大扇雞。上碟系一列見到雞肉的厚度和雞翼的大細就估系大雞品種。見到餐廳內既廣告介紹，原來比水晶大扇雞就系湛江獨有品種的雞，食落去雞味濃，多肉，個人黎講就覺得個醬汁一般般。兩客燉湯都好足量，十分入味，除了雞肉還有排骨和玉竹杞子原盅燉，如果上台前能去掉表面油份飲用更方便。小菜叫了Xo 蒜心炒鮮魷同炒菜心。第一次食蒜心感覺好新奇，原來系春天先當作，系蒜頭發芽長大後的莖部。炒完略帶蒜味十分爽脆，而魷魚亦都好新鮮大塊。鍋氣十足，味道較濃，送左成碗飯。我覺得個Xo 蒜心炒鮮魷仲好味過水晶雞。