成都小巷 (已結業)

今日同女朋友去完灣仔行街突然口痕想食麻辣野(我諗好多食得辣既人都會試過xd)咁就上網睇下附近邊度有啦最近就係依間「成都小巷」鋪頭細細，坐既位唔多但鋪外面已經見到價錢好平民睇黎如果咁岩放飯時間去既話隨時要等位添不過外面有紙有筆比你寫你要既野可以自行選擇外賣定等堂食啦麻辣口水雞麻辣味好突出，愛食麻辣既我梗係拍爛手掌食落又唔會太咸，雞就好彩比左雞脾位置，又香又嫩又滑。我食過好多口水雞都缺少左依一樣野，就係炸花生同莞茜，依兩樣野同口水雞相輔相成，缺一不可！蒜泥白肉白肉太厚會咬到好攰，太薄就好似食空氣咁，就如圖中所見，白肉切得厚薄適中，蒜泥夠多，麻辣油同口水雞味道差唔多。麻辣米線+芝心丸無錯，一碗米線靈魂在於湯底，雖然我食過更好食既，不過依間做到平民價錢，仍然不過不失，唔會食到你口渴，應該無乜咪精，得閒口痕過黎止下都幾好。酸辣米線配蘿蔔冬菇肥牛蘿蔔夠甜夠爽，雖然唔會好入味，但食得出處理功夫幾好，肥牛對於我黎講，食米線不可或缺既材料，所以我好鍾意食，配料都幾足架，又有花生，莞茜，酸菜，肉碎。。。我覺得依碗比麻辣好食！我覺得成餐飯比我既感覺係好有家庭feel,雖然唔係話特別好食，但係食唔到咪精既味道