影片
更多
2010-07-24
169 浏览
鐵板燒曾幾何時係日本高檔次料理嘅代名詞之一，動輒一個人都幾百蚊，甚至成千銀落樓係閒事，不過，依家就平民化咗好多咯，晌女人街一帶大把鐵板燒鋪，平嘅二、三百就有一個二人前，有得食，又有得睇師傅表演。再平D嘅，都仲有，唔過百，晌新港中心大食代（food court）裡面嘅Xpress Teppanyaki，平平哋$50、$60一個套餐都已經有交易，不過，就係台式，唔係日式，咁即係有咩分別呀？表面睇，兩者都係晌塊大鐵板上，師傅乒乓嘭嘭咁即場將新鮮食材炒好。台式鐵板燒，源自台北街頭、夜市嘅產物，一樣以新鮮嘅食材為賣點，以鐵板燒形式為烹調方法，但特色就係價錢大眾化，做到好抵食，簡單哩講就係「平」；因為依然保持著以新鮮食材哩炮製，所以味道一D都唔太失禮，都可以叫得做「正」；再者，加上唔係食環境，所以客源快上快落，你見佢改個名就略見端倪啦，Xpress Teppanyaki，打正旗號：速食嘅鐵板燒，夠晒「快」囉！ 此外，仲有一個分別，因為台式係源自街邊嘢，要平要快，所以佢哋嘅套餐無乜花巧嘢，包湯、主菜（配炒野菜）連白飯，簡直好似茶餐廳食中式套餐嘅方程式咁，例湯、小炒加碗飯，至多有D茶記多送杯咖啡或茶。
台式鐵板燒，源自台北街頭、夜市嘅產物，一樣以新鮮嘅食材為賣點，以鐵板燒形式為烹調方法，但特色就係價錢大眾化，做到好抵食，簡單哩講就係「平」；因為依然保持著以新鮮食材哩炮製，所以味道一D都唔太失禮，都可以叫得做「正」；再者，加上唔係食環境，所以客源快上快落，你見佢改個名就略見端倪啦，Xpress Teppanyaki，打正旗號：速食嘅鐵板燒，夠晒「快」囉！
此外，仲有一個分別，因為台式係源自街邊嘢，要平要快，所以佢哋嘅套餐無乜花巧嘢，包湯、主菜（配炒野菜）連白飯，簡直好似茶餐廳食中式套餐嘅方程式咁，例湯、小炒加碗飯，至多有D茶記多送杯咖啡或茶。而日式就好唔同喇，無講食物種類、款式、賣相都講究好多，一個餐可能有成8、9道菜，種類又多樣化D，唔會凈係得鐵板燒嘅嘢，會有埋沙律、刺身、甜品等等，逍常都係一道接一道菜咁上，唔會話成個快餐店套餐咁哩；就算係個飯，都唔會一碗白飯咁普通，可能係D乜乜黃金炒飯之類，總之，就花臣多多啦。其實醬料方面，我都覺得有D分別，台式睇佢主要都係用蔥、蒜蓉（因為見著鐵板之上放咗兩大盤係度）；而日式多以照燒汁、日本醬油，貫徹番和式風味！
由於全程大部份時間都係師傅將整好嘅食物遞到晌我哋面前，個師傅又好沉實咁密密做，同食客零交流，而D侍應都係落吓單，遞吓湯遞吓飯，收拾吓枱面，所以都無乜服務可言，仲有，雖然餐廳獨立營運，但可能身處food court，兼且本身價格比其他食檔貴DD，故此唔收加一服務費確係合晒情理！仲有樣嘢值得一讚嘅，就係抽風系統都幾好，下抽式抽風，一有油煙就晌師傅炒嘢個位置抽走，唔會週圍飄，食完都唔覺「一頭煙」！
小元貝拼牛肉套餐
師傅先搞哩個餐先，主菜未上，先上個炒野菜，是晚野菜係炒銀芽（有時係油麥菜），加D鹽加D黑椒兜兩兜就搞好，炒好後放晌我哋面前鐵板邊上嘅錫紙度，保持住食物溫度，而銀芽熱騰騰，咬落又好爽。依刻個侍應又幾醒目，隨手送上清湯、白飯，而白飯加咗D黑芝麻，無話香咗好多，屬整色整水之作。跟住，再睇住個師傅煎小元貝，再兜埋D牛肉，一陣就搞掂晒，比起食日式鐵板燒確係無咁多花巧嘢，平實炒完就送上，無話火光熊熊，又或拋雞蛋寫大字嘅「小動作」。小元貝果然係小元貝，細細粒，但新鮮唔韌，雖然細粒咗D無乜睇頭，好在都有成10、11粒左右，至於牛肉份量亦都唔失威，炒得又幾香幾腍滑，係牛肉味唔濃。概括哩講，師傅火喉控制得幾好，無出現半生不熟、又或過火嘅情況。
銀雪魚套餐
銀雪魚，老婆至愛，唔問都估佢諗住叫哩個架喇，雖然有2件銀雪魚，但相比起個小元貝拼牛肉，份量晌觀感上就少好多，男仔可能會唔多夠食，同樣配銀芽。至於味道方面，香氣四溢，加蔥同蒜蓉炒，惹味得哩唔霸道，魚身外脆內嫩，煎得啱啱好，魚油甚足。
溫馨提示：記住星展有9折，但我張係就係星展，不過係The Black Card，屬AE，佢哋只收Visa/Mastercard，碌唔到我張星展添！真激死！
张贴
