影片
更多
2021-01-01
1298 浏览
今日要返公司攞啲嘢，有人話好耐無食過泰國船麵，記得公司附近有間口碑唔錯嘅船麵店，辦完正經事，提議由我帶路，嚟試下仁愛街呢間「666 泰船麵」。餐廳地方不大，不過裝修得好有格調，兩邊牆身都掛滿裝飾品，為白色的牆壁注入了鮮明的色彩和個性。唔好睇佢舖面細細，但原來食物選擇都幾豐富，除了主打嘅船麵之外，仲有泰式海南雞、椰青咖喱類、泰式小食、沙嗲串燒、煲類、湯類、酒類同飲品等供應。我哋揀咗個花膠椰子燉雞湯、泰式海南雞飯、豬肉船金邊粉，另外再加咗客泰式薄餅。先飲啖花膠椰子燉雞湯 ($25)，湯身熱辣辣，帶椰子的自然清甜，味道剛好，飲得出無落味精，入口舒服順喉。湯內有椰子肉、雪耳和一大片花膠，非常足料。花膠軟腍富彈性，有膠質感，滋潤養顏。椰子椰香味濃，而雪耳亦粘糯爽口，入口即化。泰式海南雞飯 ($45/正常) 雖然呢碟飯只係 40 幾蚊，但絕對無將貨就價，雞件分量唔少，雞肉十分鮮嫩，連雞皮也很滑溜，而且全部的雞肉都已去骨，食嘅時候可以蘸點特製的醬料，鹹香帶辣，再吃一口充滿雞油香氣的黃飯，超級滿足！至於碗豬肉船金邊粉 ($45) 味道亦非常對辦，湯底嘅香料味好濃郁，入口甜中帶回甘。配料有豬肉片、
今日要返公司攞啲嘢，有人話好耐無食過泰國船麵，記得公司附近有間口碑唔錯嘅船麵店，辦完正經事，提議由我帶路，嚟試下仁愛街呢間「666 泰船麵」。
餐廳地方不大，不過裝修得好有格調，兩邊牆身都掛滿裝飾品，為白色的牆壁注入了鮮明的色彩和個性。
唔好睇佢舖面細細，但原來食物選擇都幾豐富，除了主打嘅船麵之外，仲有泰式海南雞、椰青咖喱類、泰式小食、沙嗲串燒、煲類、湯類、酒類同飲品等供應。
我哋揀咗個花膠椰子燉雞湯、泰式海南雞飯、豬肉船金邊粉，另外再加咗客泰式薄餅。
先飲啖花膠椰子燉雞湯 ($25)，湯身熱辣辣，帶椰子的自然清甜，味道剛好，飲得出無落味精，入口舒服順喉。湯內有椰子肉、雪耳和一大片花膠，非常足料。花膠軟腍富彈性，有膠質感，滋潤養顏。椰子椰香味濃，而雪耳亦粘糯爽口，入口即化。
泰式海南雞飯 ($45/正常) 雖然呢碟飯只係 40 幾蚊，但絕對無將貨就價，雞件分量唔少，雞肉十分鮮嫩，連雞皮也很滑溜，而且全部的雞肉都已去骨，食嘅時候可以蘸點特製的醬料，鹹香帶辣，再吃一口充滿雞油香氣的黃飯，超級滿足！
至於碗豬肉船金邊粉 ($45) 味道亦非常對辦，湯底嘅香料味好濃郁，入口甜中帶回甘。配料有豬肉片、肉丸、豬肚、炸豬皮、蘿蔔、通菜和芽菜等，用料十分豐富。豬肉片有咬口；豬皮炸得夠酥脆，完全沒有肥膩感；蘿蔔清甜無渣，配埋香滑易掛湯嘅金邊粉，好味。
泰式薄餅配咖喱汁 ($35) 個薄餅做得很不錯，煎得十分脆口，蘸點咖喱汁同吃，真係絕配，雖然淨係得汁無餸，但都頗具風味。
张贴
