牛扒先生 (康怡廣場) (已結業)

七夕情人節 想搵個情調好啲嘅餐廳拍下拖 近近哋德福就有一間西餐廳 好似主打食扒 食扒之餘仲話有半自助餐有自助嘅沙律吧同甜品 價錢亦都唔貴around二百幾左右我同男友一於就決定試下晚市都幾多人排隊等咗20分鐘終於入到去佢哋嘅自助餐 沙律吧都幾多選擇有傳統嘅沙律菜配唔同嘅sauce亦都有一啲泰式沙律甚至係日式嘅沙律都一應俱全甜品方面亦都好豐富有泰式嘅 有 一般嘅西式蛋糕泡芙亦都有一啲中式嘅糕點 而佢嘅主菜我同男朋友分別嗌咗美國黑牛扒同埋 豬肋骨燒雞雙拼分量好大 擺盤做得唔錯味道都中規中矩 屬於中上水平成間餐廳格調好好坐得舒服 係約會拍拖嘅好選擇