平成二十二日本料理 (已結業)

已經有一年多無黎過平成二十二，為咗探下小魚我專程黎到再食多次放題山林道其實食肆都有好多，但係朕總係對呢間日本餐廳有少少情意結。尤其記得係佢哥施蝦，堅係大隻，不過事隔一年呢度嘅食材質素有上升，依家已經係靚靚嘅大隻日本牡丹蝦 值得一提嘅係餐廳都好跟得上潮流，試吓興蒸火鍋，夠四個人佢都送一鍋真係幾唔錯！隻蟹兩隻手板咁大喎！仲要唔知點解老闆咁高興送咗板海膽俾我哋，可能我哋大棚人同老闆傾計，老友鬼鬼請我哋食啦～ 海膽明顯係飛機貨，新鮮而且無異味，讚。講到炸物拼盤點少得大大隻嘅天婦羅蝦？天婦羅番薯亦係值得一食，天婦羅粉唔厚而且鬆脆。不俗！燒手羽先係必定必定要食！烤得熱辣辣之餘亦皮好脆！非常香口！最後仲有朕最愛嘅紅豆雪糕，最鍾意最鍾意就係紅豆！呢個價位來講係回倒本，OK!