包點料理

营业中

休息中

呢間包點料理啲蒸飯點心雖然無唐記咁好食，但勝在夠平，又唔洗排隊等好耐，款式唔多，有鳳爪排骨飯，鹹魚肉餅飯，北菇蒸雞飯，煎蛋牛肉飯，都係廿零蚊一個；點心有蝦餃，燒賣，鳳爪，排骨，鵪鶉蛋燒賣，豆苗餃，鮮竹卷，雞扎，粉果，有時臨收工會大減價促銷，至於啲包呢我就覺得麻麻地，好少會買。今日我買咗個北菇蒸雞飯，燒賣同雞扎，個蒸雞飯啲雞好滑，隻北姑好厚身，燒賣四粒好大粒，上面有啲橙色一粒粒嘅唔知係咪蟹子，雞扎裏面有栗米芯，芋頭，雞肉和豬皮，塊豬皮最好食，吸曬啲雞油。