蝦麵店 (荃新天地) (已結業)

來到荃新天地打算搵d 平時少有嘅食肆，選擇咗蝦麵店，午市時間都唔多人，但叫落單都要等好耐。落好單點咗碗喇沙湯四寶檬粉，碗粉黎到太餓唔記得影相，湯望落好濃郁咁，可惜飲落雖然係好有喇沙香料味但無鮮味無肉味又無乜椰奶香味，湯只係濃香料但味道係唔會令人回味...唔得...四寶丸更好一般，唯一一塊腐角味道比較有鮮甜味其他都係一般水準嘅丸。然後我碗粉食到一半問佢跟餐個小食未上，原來佢溜落單，正常應該快d 上番比客人，但佢溜咗單結果再落就要重新排過（無語），結果食晒碗粉先上到，小食個賣相係超乾炸豆腐粒一隻雞翼一串串燒，雖然跟咗碟醬，點知沾串燒個沙嗲醬勁水勁淡（人生未試過咁差嘅醬）完全唔會覺得係沙嗲醬仲要間舖雖然係商場入面，竟然係無冷氣