上海婆婆 (已結業)

係香港，上海餐廳多得很，就算連鎖既都有一大堆，今次選擇上海婆婆，第一次試菜，我覺得佢地食物平平無奇，無咩大驚喜，只能說是一頓不過不失既晚餐。今晚既晚餐總共叫左6款餸菜。首先有蟹粉小籠包，我略嫌皮唔夠薄，師傅整餡料時壓得過實，所以肉既口感有點結實，湯汁雖然尚算熱乎乎，但唔夠鮮甜，有d失望。再來冷盤四小拼，當中我只係食過肴肉、小排骨，味道尚可，但另外二款賣相唔吸引，所以試都唔想試。砂鍋醃篤鮮真係一個敗筆，首先個湯好鹹，唔熱，覺得自己似飲緊茶記例湯，無誠意，一定唔會再叫呢個湯類呀！再來雪菜肉絲炒年糕，呢個咁簡單既菜都好難整得難食既。之後個擔擔麵味道有啲辣，如果鍾意濃味嘅朋友都應該會覺得OK，最後一味就係皮蛋豆腐，豆腐用既係超市買嘅即食豆腐，相信成本應該好平，所以唔建議order。總括來說，呢一餐一定唔係物超所值，短期內應該唔會再去幫襯。