皇后板石燒冰室 (已結業)

皇后冰室食左幾次，覺得唔錯，平平地質素都可以，皇后板石燒冰室反而未食過。個名好似，唔知有咩分別。試下新野啦。同皇后冰室唔同，裝修特式欠奉，但座位都係咁窄。望下個menu，差唔多樣，價錢都差唔多。仔細睇，D set唔同，而且li間選擇少D，冇乜吸引。紅湯唔錯，蕃茄味足。麵包係健康既麥包。叫左芝士石班黑椒雞扒珍珠飯。石班個邊只係普通白汁，冇芝士味，同皇后冰室一樣，白汁係冇味既 反而黑椒雞扒估佢唔到又幾好食喎 先係上面一大塊芝士。黑椒汁做得唔錯，好香又夠辣。坐係門口旁，不斷開門關門，出面30度既熱風係咁吹入黎，好熱，食得都幾辛苦。既然係差唔多，下次都係去皇后冰室，選擇多D吸引D，而且D枱冇咁近門口。