喜咖哩 (已結業)

同老公兩個朝早入咗屯門行山，行完山，好鬼肚餓，上 open rice search 屯門有乜平野吃吓，因為晚上要吃大餐，就是但入咗喜咖哩。好搞笑，兩條友仔唔係叫咖哩食，叫咗兩個早餐食🤣🤣🤣我叫咗香茅豬扒火腿太陽蛋蕃茄湯螺絲粉，分量剛剛好，個豬扒幾 juicy ，個湯都幾好味，螺絲粉唔硬唔稔，而老公叫咗豉油皇雞翼腸仔煎蛋豬骨米缐，以下午茶尼講，都算豐富啦。個雞翼都幾 juicy, 脹卜卜，無煮過龍，多士脆卜卜，個湯唔淡唔濃剛剛好，誤打誤撞都吃到個滿意下午茶咁啦😌 咁嘅時勢，友持下d有誠意嘅小店。