賞茶 (已結業)

某天在樂富辨點後在附近找午餐吃，見到有間台式餐廳唔係太貴又未食過，所以入去試吓。餐廳地方細細，屬自助形式，在收銀處買餐後就有個BB機俾你通知你個餐有未，如果BB機響就自己去個窿度攞餐。午市有套餐，基本上不需＄50就有交易，都幾經濟。鹽酥雞中翼配鮑魚菇湯手作麵+凍波霸奶茶鹽燒雞翼炸得都幾脆，而且醃得都夠味，鮑魚菇也是鹽燒的，挺特別，但啲餸好似少咗啲，如果雞翼和鮑魚菇各多一件就比較好。麵底有啲似刀削麵，不過不失。珍珠奶茶叫咗少甜，味道OK，但叫得波霸珍珠以為好大粒，原來比一般還細粒，而且唔夠煙靱，但個紙杯好靚！