源記燒味粉麵茶餐廳 (已結業)

返工日子一到中午時間就好多人出街食午餐，通常無十幾二十分鐘都未必入到餐廳內，好彩單拖搵食就容易啲，邊度有個吉位就攝落去， 求求其其食完就走方便快趣。這間餐廳有午巿套餐供應，一個飯/麵加杯嘢飲大概 50至60蚊左右，而我這個焗咖哩牛腩飯就要58蚊，凍飲加三蚊即合共要61蚊，唔係話好平，在灣仔區來說可以接受。飯又焗得唔錯，香噴噴的咖哩又唔會太過辣，亦都唔會偏甜，算係適中，在這個匆忙的灣仔區吃午飯，我唔會要求太多，簡簡單單食餐只要不要太過偏差，我覺得係可以接受的。