大埔東江雞酒家 (已結業)

有朋友因工作關係,要係大埔找幾間具特色的食店光顧,之前已經各自食了一煲煲仔飯,但行前幾步轉個角落,便見到東江雞大大個招牌.其實月前同家人來過,感覺只是一般,但朋友要求下,點都要捨命陪君子.東江雞(半隻) : 份量依然可觀,水準落差不大,而且兩個人食,可以試的部位就更多,雖然雞味總是略縑不足,胸肉部位比較結實,但已經好好味.原隻菠蘿生炒骨 : 論賣相,完全是呃鬼佬之作,原隻菠蘿從中剖開一半當作餐具,甜酸度是適中,可惜玻璃茨是太重手,就因為水份多,令到漿粉變得太濕,肉排咬落去是少了一朕外脆內軟.雞湯瀨粉 : 一直都最欣賞此店的一樣食品,用上淋完雞之後的上湯,充滿雞肉的香味,比起坊間酒家,求其灑點金華火腿絲,實在好得多.曾有食友想在此店攪飯局,但地點始終有點遠,而且水準又不是太高,真的要考慮一下.