偉記燒烤樂園

营业中

休息中

元朗站📍伟记烧烤乐园-平安夜今晚去左Bbq，唔想去好远，就简左近近地嘅伟记。早几日book左位，$200一位，开炉费$50，免费泊车，大概有50几个位，先到先得。老板话如果搭的士入凭的士单可减$10。先讲场地，个场唔算好大，每台之间间距唔算太阔，但平安夜今晚都全场满座！再讲下野食，基本丸、肠、猪牛鸡扒、鱿鱼、多春鱼、金沙骨等等都有。蔬菜方面就有青椒、粟米、茄子、翠玉瓜。野食选择唔算好多，质素一般般，不过平安夜大家志在一众，$200货仔都算系咁。入场包一枝水同一罐野饮，蜜糖任添，但好稀好水，冇乜味。蔬菜冇甘菇🤯后来烧烧下加左个网，承惠$50，连埋一个钳。到8点几9点有人出黎打响铜锣，原来有糖水同埋桔派，好多食客都出去拎。糖水系腐竹白果糖水，糖水够甜，免费滋润吓喉咙都唔错😜现场都有唔少游戏机比小朋友玩，都系个家长烧钱、小朋友放电嘅好机会🤩厕所都系女士最关注嘅地方，可惜佢系男女共同share，有5-6格，我就入左痞厕😟不过原来都有坐厕，但冲厕就手动系水缸拎水冲。