Seafood Stand (已結業)

平安夜黃昏經過尖東，有排都未夠鐘食晚餐，但又急著想享用美食kick off慶祝聖誕節，看見seafood stand的招牌便立刻去試新店。半隻龍蝦只需hk$58，又點了白酒青口及雞翼，連一罐飲品埋單約一百二十元。龍蝦及青口上桌時賣相極佳，熱辣辣的，但只有膠餐具供應，於是食龍蝦時好麻煩，隻膠叉唔夠力按住隻龍蝦鉗，拆殼要花好多功夫，waitress好好人私人比左濕紙巾我抺手。食物味道ok不過不失，在尖東以這個價錢來說可以話係好好，呢餐食得好開心，有機會會再幫襯。