影片
更多
2017-01-04
2748 浏览
不好思意啊版大, 上一編忘記上載照片, 請幫忙刪除, 感謝!首先祝各位新年快樂平安夜果晚同老婆撐枱腳, 過黎荔枝角食晚飯, 訂左位, 唔使等其實以前有響荔枝角返過工, 呢個舖位成日經過但未試過位置響汽車天橋入口隔黎, 由荔枝角轉入美孚既灣位, 可以話係十分之僻靜餐廳內裝修西式, 新淨, 典型西餐廳種類平安夜晚當然有聖誕餐, 亦有一個set梗既特級晚餐我跟老婆兩個無乜所謂啦, 點一個聖誕餐+一個晚餐balloon前盤蟹餅: 比預期既味道淡, 肉眼所見有蟹肉絲和香草, 入口有蟹味既, 但唔重, 普通OK啦鵝肝配乾餅: 唔好意思, 因為想試清楚所以分開黎食, 乾餅好脆, 鵝肝味道都係偏淡, 外面有一圈菜. 裏面有果仁其實應該係鵝肝醬, 加入果仁抺入菜度切成三角. 圈菜口感帶少少煙勒, 但果仁就無乜味, 心思唔錯既生蠔: 一人兩隻, 有分先後次序. 但小弟無能, 淨係食得出先果隻無咁醎, 蠔味的話其實分唔出.不過果種海水鹹就好正, 食完之後殘留響喉嚨度, 而兩隻蠔都好新鮮.like蜆肉雜菜湯: 基本上都係雜菜味, 蜆肉味欠奉奶油忌廉湯: 可能係我食得鹹, 我覺得呢個湯味道好過蜆肉湯一班, 奶油
首先祝各位新年快樂
平安夜果晚同老婆撐枱腳, 過黎荔枝角食晚飯, 訂左位, 唔使等
其實以前有響荔枝角返過工, 呢個舖位成日經過但未試過
位置響汽車天橋入口隔黎, 由荔枝角轉入美孚既灣位, 可以話係十分之僻靜
餐廳內裝修西式, 新淨, 典型西餐廳種類
平安夜晚當然有聖誕餐, 亦有一個set梗既特級晚餐
我跟老婆兩個無乜所謂啦, 點一個聖誕餐+一個晚餐balloon
前盤
蟹餅: 比預期既味道淡, 肉眼所見有蟹肉絲和香草, 入口有蟹味既, 但唔重, 普通OK啦
鵝肝配乾餅: 唔好意思, 因為想試清楚所以分開黎食, 乾餅好脆, 鵝肝味道都係偏淡, 外面有一圈菜. 裏面有果仁
其實應該係鵝肝醬, 加入果仁抺入菜度切成三角. 圈菜口感帶少少煙勒, 但果仁就無乜味, 心思唔錯既
生蠔: 一人兩隻, 有分先後次序. 但小弟無能, 淨係食得出先果隻無咁醎, 蠔味的話其實分唔出.
不過果種海水鹹就好正, 食完之後殘留響喉嚨度, 而兩隻蠔都好新鮮.like
蜆肉雜菜湯: 基本上都係雜菜味, 蜆肉味欠奉
奶油忌廉湯: 可能係我食得鹹, 我覺得呢個湯味道好過蜆肉湯一班, 奶油味道濃得黎唔太搶, 整體配合得幾好
蜆肉煮意粉: 上菜果陣其實無乜期望, 但食落口就有驚喜, 相信呢D係廚師既特別煮法
意粉比一般食開既硬好多, 硬得黎都仲可以咬爛, 咬感彈性都好特別
蜆肉同兜湯果D蜆完全唔同, 有少少酒味同辣味, 將蜆肉鮮味帶晒出黎, 係全晚做得最有心既菜式likewow
PS: 接受得到呢種硬度既應該覺得好好食, 接受唔到既可能會鬧......
牛面珠: 主菜, 先要講講份量真係好少, 同埋呢隻牛面珠唔同牛肩, 尾果D, 隻叉一落就會碎shocked
配濃味烤汁, 入口味道較重, 牛肉味濃, 只係咬感有D唔習慣(張相OUT FOCUSsick)
甜烤豆配火雞: 老婆主菜, 嗯, 份量唔多, 味道OK啦, 但我覺得我妹用雞肝泥釀既好食好多.
甜品係士多啤梨慕司 and 呍呢拿芝士餅, 兩個都係正常味道, 前者就香d
聖誕餐有杯cocktail, 但佢既味道同大陸RMB3.5果隻農夫果園蕃茄車厘子汁真係相差無幾
上面仲插左條生芹, 味道可以接受既, 只係怪囉
聖誕餐$450+1
特餐$580無加1, 三送一
题外话/补充资料：
食完之後有少少悵然若失, 以呢個價錢同級數, 同我心目中既期待有少少距離
當然, 佢地有幾味菜做得好有心思, 用料上都比到足
但如果以高級餐廳黎講, 未能做到每一道菜都高水準
(以上食记乃用户个人意见 , 并不代表OpenRice之观点。)
张贴
