Misto Restaurant (已結業)

為慶祝平安夜，一早訂左位。去到發覺D枱仲窄過寵屋，隔離枱講詳都聽得一清二楚，當然我講詳人地都聽晒啦!不過D侍應既態度就幾好。真係從未食過咁差既野食，完全唔值呢個價。除左個蜆湯OK外，所有野食都唔可以入口。先黎個米紙卷，勁濕，口感超差。然後係火雞，超乾，食左一半就無食。最過份係個兩個主菜，一個係銀鱈魚，超難食，同芒果汁完全唔夾。另一個係豬扒，全餐最難食，十個乾身，連切都難，莫講話食，所以食左一啖就無再食。最後連甜品都難食過人，朱古力達一D朱古力味都無，又乾又硬。總之，除左個賣相可以騙人外，實在完全唔掂。我聽到隔離枱都係咁講。