青葉日本料理 (已結業)

呢日同幾個同學黎呢度食放題，都唔平架。差唔多二百蚊一位，平時都係百五蚊到。我地仲要食五點半果轉，食到七點半。剌身、壽司都算幾新鮮既，三文魚既味道都唔錯。不過我都係鍾意食吞拿魚多d，呢個仲好食d。壽司都唔錯，壽司飯都算幾實淨，好有咬口。仲有個芝士火焰壽司，其實舊芝士好細舊，無乜特別。而海膽手卷既海膽就細到差d食唔到。算啦，唔通仲要食埋人地隻"車"咩。炸物都唔錯既，炸雞好好味。個醃味都唔錯，有料到。炸天婦羅既炸粉落重左手，差d食唔到舊蝦。燒物都係食雞翼同串燒，呢個就無乜特別。牛仔骨又出奇地唔錯，味道好有燒烤既味道，好食。飲品飲左三杯紫色天空，都幾好飲。而甜品就有個雪米磁，無乜特別既。呢餐真係幾貴，不過平安夜有得出黎食感受個氣氛都唔錯啦。呢度食唔哂野食要俾多三十蚊架。