阿拉廚房 (已結業)

對於阿拉廚房，我從來不抱任何期望，食物水準唔高兼價錢唔平，加上阿拉麵館之前的中毒風雲…如果不是青衣城其他食店都爆滿，我哋又趕住睇戲，都幾難令我再幫襯。這裡假日不設set lunch，末打開menu已知比其他食店價錢略貴，我哋無興趣食小炒，於是點了麵食和包點。排骨麵，排骨偏瘦，啖啖肉，男友滿意；我試了一小口，肉質乾且硬，一啲都唔鬆化，可見口味，真係好personal。菜肉雲吞，皮唔算薄，不過真材實料，可以一試。鮮肉蒸餃卻是意外收獲，鮮肉餡十分新鮮，口感實在，吃時要加倍小心，恐防肉汁四淺；餃皮厚身軟熟，帶麵粉香，是我和男友的推介！這頓午飯平反了我對阿拉集團的看法，應該有下次。