烤魚嘅揀咗蒜香烤魚，小辣，條魚超大條，店家話係海鱸。
雞煲因為唔想食麻辣所以揀咗椰子雞煲，啲雞都幾好食，個湯都幾濃椰子水味。
如果肚餓等唔切可以先食一啲熟食，都有幾多款式揀。
食飽雞煲同烤魚之後開始打邊爐，四個湯底任揀，我哋就keep返個椰子雞煲，然後將個烤魚換做成都麻辣湯底，見到啲辣椒個樣就知道夠曬辣。
全部火鍋配料都係自己出面攞，海鮮都算多選擇。
肉類就得豬同牛，任食場黎講都幾新鮮幾靚。
火鍋配料都算多，最特別係呢一個咖哩魚蛋，因為佢啲咖哩汁係喺魚蛋入面嘅。
最後仲有甜品，除咗呢啲之外仲有雪糕同埋棉花糖。
