金記冰室 (霎東街) (已結業)

今日做嘢做到三點先放lunch，同同事一齊去我公司附近嘅時代廣場，同事推薦金記冰室，當時已經我都差唔多餓都暈，見下午茶時段冇乜人唔需要等位就馬上入去。入去即刻俾佢本乒乓波餐牌吸引住，一邊嘅環境裝修好特別，當時客人唔算太多侍應俾咗張大枱我哋四個同事，係就餓暈嘅情況下極速點左一個葡汁咖喱魚柳煎蛋飯，大概10分鐘左右侍應就奉上食物。咖喱汁俾我以往食過嘅顏色偏黃唔怪得叫葡汁，汁嘅份量都唔少，完全蓋過晒尚算新鮮炸起嘅魚柳。咬落去仍有肉汁不算乾，配襯味甜嘅咖喱汁非常開胃，唔使10分鐘已經清晒。另外煎蛋屬於正常質素，冇乜嘢挑剔嘅空間。唯一要彈少少即係服務態度，可能銅鑼灣區多自由行啦，侍應個樣都做到一念疲態，希望下次黎會比到第二種感覺我啦。