廉記冰室 (春園街) (已結業)

上次黎食，佢居然5點幾收檔....so sad.所以今次早D黎食下午茶。佢嘅tea set都有唔少選擇，所睇左好耐先決定到。因為我一個一食個半餐嘅，所以要嚴選。本身個男人的浪漫都唔差，但相比可以食到2個下午茶嘅價錢，咁食下午茶啦！有人鍾意飲紅豆冰。我只可飲熱華田。但呢個朱古力西多，厚度十足，有我一節手指以上嘅厚度，仲要唔油膩，咪講笑。食嘅時候罪惡咁無咁大。而另一個真心無選錯嘅係魚柳包加沙律，佢個魚柳雖然有少少咁多過火左，但裡面嘅魚仲係夠滑，仲要佢切左2份上，方便食，呢個又夠貼心。仲要加埋一碗份量唔細嘅懷舊沙津，佢正在唔係最多紅蘿蔔同薯仔嘅所謂懷舊沙律，而真係有生果嘅沙律，呢個沙律已經比100分。整體分數好高，仲要$39 $34(未計凍飲同特飲加錢)咁嘅價錢，個質素絕對超值。埋單$84，食到高汁下午茶，我其實係食左個半餐嘅，勁飽呀，我一定會再黎。