新匯聚打冷小廚 (已結業)

去開觀塘做嘢，收工諗住同事食埋飯先走。見到有間打冷係樓下,近近地唔諗咁多就去呢間。入去到坐低睇下menu,都好多款式,鹵水拼盤基本上打冷必食，問下侍應有無好介紹，佢哋介紹芝麻雞，同啫啫通菜，就點呢兩樣，值得一讚侍應好好禮貌，態度友善。唔駛等好耐就上齊晒菜。鹵水併盤好大份，款式都好多，鵝片好嫩滑; 芝麻雞好有驚喜，雞肉好鮮嫩，外皮鬆脆配上芝麻香味，外脆內軟，好有風味; 啫啫通菜好香，好夠鑊氣，送飯食簡直一流;呢幾道菜都好有驚喜，師傅手勢一流!佢呢度仲有糖水甜品，食飽口痕都唔駛四圍搵。可惜今日已經食飽，下次再嚟食!!