一休鐵板燒 (已結業)

旺角開左一間新既鐵板燒小店，位置係旺中附近，地鐵站出口行1分鐘就到超級方便！小店冇堂食座位，只做外賣。橙色主調裝修好搶眼，最吸睛係鐵板位置向住門口，客人可以透過玻璃窗睇住師傅炒，今次到訪keep住有order，一路望住都肚餓！鵝肝鐵板燒鵝肝size完全唔欺場，大大塊煎過後油香逼晒出黎，下面有塊多士可以吸下油，加埋上面兩條小露筍，作為小食真係好夠份量！鐵板炒麵麵條可以自由選擇拉麵、烏冬、意粉，雞牛羊揀一款，再配上照燒汁、黑椒汁或自家調配一休醬油。今次揀左一休醬油牛柳拉麵，睇落細細盒原來份量好足夠！拉麵夠哂彈牙，牛柳絲肉質軟稔，配料仲有蘿蔔、木魚絲、生菜、菇菌，口感豐富又飽肚！