麗都讌客 (已結業)

今日學完野就响荃新天地二期一樓「麗都讌客」飲茶，呢度就平民路線，以價錢平作招徠，所以全日非常旺場，深得就近街坊捧場。我地一行八人被安排到大廳正中位就坐，只見全場已坐無虛席，就拿拿臨開始叫野食。點心都係大路野：蝦餃、腸粉功夫野係唔掂，始終係以價廉取勝，食物質素就要將就下。蝦餃與燒賣蝦餃徒具其形，蝦餃皮唔夠薄，而且一夾就穿。只能稱之為「蝦餃」形狀的點心，勉強簡直係侮辱左點心的精髓。燒賣大大粒得豬肉同幾粒蟹子，平平無奇沒香味。叉燒腸腸粉皮太厚，叉燒腸勝在夠大夠胞肚。燒腩仔及燒乳鴿想不到廚部的燒腩仔居然出奇地好，燒豬皮夠脆已經贏曬，腩仔肥瘦分明有層次，仲有喊香添。乳鴿夠嫩口，皮脆肉嫩之餘又夠入味，新鮮炸想唔好食都難！鮑汁鳳爪鮑汁鳳爪唔夠淋，反而唔夠點心鳳爪入味。