麻酸樂米線專門店 (都會駅) (已結業)

諗住落樓食飯 見到有$158二人雞煲套餐 又有雞煲 又有得打邊爐 決定入去試下伏唔伏手拍青瓜雲耳個味黎講 我就麻麻 個人比較鍾意又酸又辣嘅手拍青瓜 呢個淨係得酸味 唔辣嘅 唔夠香 味道就比較單一麻辣雞煲第一眼望落去 個汁有啲稀 唔似平時食開嘅雞煲 味度偏淡 鍾意食芋頭嘅朋友就啱啦 因為佢入面真係有好多芋頭 啲雞都幾入味火鍋料方面 個鮮牛肉同雞柳好重味精 醃得太鹹 其他火鍋料 有雲耳 金菇 菜等 最尾食埋啲米線就啱啱好整體黎講 成個餐算幾抵食 基本嘢都齊 不過都幾重味精 食完成晚都會口渴