W&S Cafe

营业中

休息中

餐廳細細間，有啲田園風格，都幾溫馨。以茶餐廳黎講，佢都幾有誠意，午餐款式都周不時轉。服務員招呼好，上菜時間快。🥢 黑松露煙鰻魚意大利飯 $66多料，份量大。睇相以為得好少鰻魚，其實一啲都唔少，意大利飯內有乾坤，撈咗好多鰻魚係入面。😋 飯粒粒分明，煙韌有嚼勁。👍 忌廉汁都算軟滑既，不過略嫌汁有啲多，下次可以整少啲。🍲 餐湯無得揀，蕃茄湯濃度適中，果人偏好酸甜蕃茄湯，但依碗淨係得酸味，所以唔係飲咗好⁸多。整體而言，西式午餐有餐湯餐飲其實好抵。下午茶時段比較多人黎買外賣或者堂食。